Esewa Nepal
Rock On Sasa
Latest Update/ Daily News/ Daily Music Video/ Daily mp3 songs/ Weekly Countdown/ Interview - Pramod Nirwan/ Music Video of The Week - Maichyang Jaynmara by Sanjeev Singh / Rajina Rimal @ Frankly Speaking / Sameer Acharya @ Profile/ Sanu Shakya @ Model Watch/ मिडिया प्रतिको क्रेज आम युवामा किन ? - (Lets Talk About it) / पार्किङको नाममा ठेकेदारको ब्रह्मलुट- (Article). ::
kedar ghimire  [Updated on 2012-04-25]
By: www.fursad.com 5482 views 0 Comments

हास्ँय श्रृंखला "मेरी बास्सैँ " बाट "माग्ने बुढो" पात्रको रुपमा देश-विदेश ख्याति कमाएका हास्ँय कलाकार केदार घिमिरेलाई कुनै परिचयको आवश्यकता छैन् । सानो बच्चादेखि वृद्धजन उहाँलाई नचिन्ने कोहि पनि छैनन् । कलाकारमात्र नभई उनी "मेरी बास्सैँ" का निर्देशक तथा लेखक पनि हुन् । विशेषगरी ग्रामिण नेपाली सामाजिक परिवेशलाई समेटेर कथामा ढालेर त्यहाँको जिवनशैली, समस्याहरुलाई प्रस्तुत गर्न उनी निकै माहिर छन् । उनै बहु प्रतिभाशाली केदार घिमिरेसंग फुर्सदको कुराकानी ।

 

. अहिले के मा व्यस्त हुनुहुन्छ ?

अहिले "मेरी बास्सैँ" को सुटिङ लगायत स्टेज प्रोग्रामहरुमा व्यस्त छु ।


. "माग्ने बुढो" कस्तो पात्र हो र उसको भुमिकाको के हो ?

माग्ने बुढो, गरिबीको रेखामुनि रहेका नेपाली जनताको प्रतिनिधि पात्र हो । उनीहरुलाई पर्ने सामाजिक तथा आर्थिक समस्या, उनीहरुको रहनसहन, पारिवारिक पृष्ठभुमीलाई देखाउँने प्रयास यो पात्रले गर्छ । कति मान्छेहरु कस्ता हुन्छन भने आफू चाहिँ केहि नगर्ने, अरुले गरेको पनि देखि नसहने र फेरी आफूलाई गाह्रो पर्दा उनीहरुलाई नै माग्न जान्छन् , त्यस्तै भुमिकामा माग्ने बुढोलाई प्रस्तुत गरिएको छ ।



. मेरी बास्सैू हास्ँय श्रृंखलाको मूख्य उदेश्य चाहिँ के हो ? तपाई आफैँ यसको निर्देशक हुनुहुन्छ , तपाईंले यस मार्फत के देखाउँन खोज्नुभएको छ ?

मेरी बास्सैँले ग्रामिण परिवेशलाई समेटेको छ । यसले राजनैतिक व्यङ्ग्य हान्दैन्, केबल सामाजिक, अलि बढी राष्ट्रियता झल्काउने खालको छ । यसको मुख्य उदेश्य भनेको समाजिक समस्यालाई सम्बोधन गरेर त्यसलाई सुल्झाउने प्रयास गर्ने नै हो । यसो गर्दा राम्राे हुदैँन, यसको सट्टा यो पो गर्ने हो की खालको उपायहरु समेट्ने कोसिस गर्छाैँ । समाजमा फैलिएका विकृति तथा विसंगतिलाई विभिन्न पात्रमार्फत देखाएर त्यसको समाधन गर्ने प्रयास मात्र हो । म आफू निर्देशक भएको नाताले , समाजमा बसिसकेपछि विभिन्न प्रकारका मान्छेहरु हुन्छन् । उनीहरुको आफ्नै प्रकारको जीवनशैली या भनौ मुल्य मान्यताहरु हुन्छन्, यि विभिन्न परिवेशका व्यक्तिहरुलाई विभिन्न पात्रहरुमार्फत देखाउँने प्रयास गर्छु ।



. "मेरी बास्सैँ " बाहेक अरु के गर्नुहुन्छ ?

म्ोरी बास्सैँ बाहेक स्टेज प्रोग्रामहरु गर्छु । त्यो बाहेक चाहिँ अरु केही गर्दिन् ।

 



. तपाईं र सिताराम दाई -धुर्मुस) त छुट्टएिको भन्ने हल्ला छ ? सुटिङ पनि बेग्ला-बेग्लै गर्नुहुन्छ रे ? के यो सत्य हो ?

धेरै राम्रो प्रश्न गर्नुभयो तपाईंले । मेरी बास्सैँको २०० भन्दा बढी भाग भईसक्यो हामीले छुट्टा-छुट्टै छायांकन गरेको । हामी स्टेज प्रोग्राम छुट्टै गर्छाैं त्यो ठीक हो । तर, जुन हल्ला छ की हामीबीच कुटाकुट भयो रे , मारामार भयो रे , बोलचाल छैन् रे भन्ने त्यसो चाहीँ होइन् । हिजो बिहानमात्र मैले धुर्मुसको घरमा लोकल कुखुरा, भात खाएर आएको, पछि फर्किदा पनि उसले मलाई पाँच कि.मीसम्म आफ्नै गाडिमा छोडिदियो । यदि छुटेको भए, उसको घरमा भात खान त जान्न थिए नि । ति सबै वाइयात कुराहरु हुन् । हामीबीच बोलचाल राम्रै छ ।



. तर, हावा नचलि पात त हल्लिदैन् होइन र ?

मैले भनिहाले नि हामी सुटिङ चाहिँ छुट्टाछुट्टै गर्छौ , पछि त्यसलाई कम्बाइन गर्ने मात्र हो । तर, बोलचाल छैन्, हातपात भयो भन्ने कुरा चाहीँ होइन् । पर्सनल स्पेस भन्ने सबैको हुन्छ त्यतिमात्र हो । तर, बाहिर फैलिएको नचाहिँदो हल्ला जस्त्ाो चाहिँ केही छैन् ।

 



. माग्ने बुढो कस्तो छ, त्यो त सबैलाई थाहा छ तर, केदार घिमिरे चाहिँ आफूमा कस्तो हुनुहुन्छ त ?

म एकदमै भावुक छु । अस्ति झापामा ,त्यहाँको युवा क्लबले मलाई सम्मान गर्‍यो, त्यहाँ मन्तव्य दिदा दिदैं रोए पनि । देशप्रमी, अरुलाई पनि देशलाई माया गर्नुपर्छ भन्ने खालको छु । म सात वर्षको हुदँा मेरो आमा बित्नुभयो, मेरो बाल्यकाल निकै दुखद पनि थियो । म आफैले पनि संघर्ष गरेर आएको हुदाँ आफू अन्तर्गत काम गर्नेहरुलाई कहिले गालि गर्दिन् । ऊ पनि म जस्तै संघर्ष गर्दै छ भन्ने लाग्छ, त्यसैले सेटमा कहिले निर्देशकको जस्त्ाो हप्काउँने , कराउँने गर्दिन् ।

 



. तपाईं निर्देशक पनि कलाकार पनि तथा लेखक पनि हुनुहुन्छ । यसमा कसरी तालमेल

मिलाउनुहुन्छ ?

म, गाहो त अलि ग्राहै हुन्छ । निर्देशक भएर त्यसमा बढी ध्यान दिदाँ मेरो एक्टिङमा अलि असर परिरा होला फेरी एक्टिङ गर्दा लेखनमा बाधा भईरा होला । तर, नेपालमा कुनै एक मात्र पेशालाई व्यवसायिक रुपमा त्यसलाई मात्र अंगालेर बस्न गाह्रो छ । त्यस्तो दिन नेपालमा पनि आओस भन्ने कामना गर्छु ।



. तपाईं निर्देशक की, कलाकार की, लेखक ?

म कलाकार नै हो । मैले अरु जुन व्यवसायमा हात हाले पनि चाहेँ निर्देशनमा होस् वा लेखनमा म आफूले आफैलाई चिनाउँदा चाहिँ म कलाकार नै हो । मेरो रुचि तथा प्यासनपनि यसमै छ ।

 


. त्यसो भए कलाकारिता भनेको के हो त ?

छोटकरीमा भन्नुपर्दा नक्कल गर्नु नै कलाकारिता हो । यो एउटा ऐना पनि हो, जसले गर्दा मानिसले समाज हेर्छ र समाज नै देख्छ । र, म कलाकार भएको नाताले त्यहिँ गर्ने प्रयास गर्छु ।



. तपाई एउटा हास्यँ कलाकार, एउटा राम्रो हास्य कलाकार हुनकोलागि के कस्ता विशेषताहरु चाहिन्छ ?

पहिले त , म राम्राे हास्ँय कलाकार भईसकेको छैन् । तर, पनि एउटा राम्रो हास्यँ कलाकार हुनलाई फन कुराहरु सोच्नुपर्‍यो । अरुलाई हसाउँन पहिला आफै हास्नुपर्‍यो । विदेशमा फन नै कमेडि हो तर, नेपालमा त्यस्तो छैन् । नेपालमा समग्र राजनीति बुझ्न जरुरी छ ।

 


. बिर्सिन नसक्ने क्षण ?

बिर्सनै नसक्ने त धेरै छन् तर, मेरी बास्सैँको सुटिङको क्रममा, एउटा भागमा मलाई गुण्डाहरुले अपहरण गरेर मेरो हात बाधेँर आखाँ बन्द गरेर त्रिसुलीबाट हाम फाल्ने सिन छ । त्यो चाहीँ मलाई धेरैले नगर भनेका थिए । निकै रिस्की थियो । तर, मैले गरे । हाम फालेपछि पानी भित्र हतार हतार हात खोलेर आखाँ पट्ट िखोले त्यो नै अविस्मरणिय क्षण थियो । त्यो सायद म कहिले बिर्सने छैन् ।



. तपाईंको भावि योजना ?

नेपाली कलाकारितालाई विश्वमा कसरी पुर्‍याउँने, चिनाउँने भन्ने सोच छ, त्यसैमा गृहकार्य पनि गर्दैछु । त्यसको बारेमा चाहिँ अहिले केही नभनौँ । पछि तपाईंले पनि आफै थापा पाउँनु हुनेछ ।



. अन्त्यमा, तपाईंको थप सफलताको शुभकामना तथा तपाईंको समयको लागि धेरै धन्यवाद ।

फुर्सदलाई पनि धन्यवाद ।

 



More Interviews...

Nischal Basnet
If you ask me, I don’t feel the script is fully ready or done even when I’m on the shooting ground. Because there might be add ups and various minor changes during the shoot. www.fursad.com

Suman Khatiwada
प्रयोग बाट लाईब्ररी संञ्चालनमा ल्याए सगै बुकमाण्डुका ...... www.fursad.com

प्रमोद निर्वाण
निर्वाण एन्ड म्युजिक लिङ्क www.fursad.com

 
 
Nep Tel Life & Times Free Download Mp3 Onlne Radio , quality stock photos, high quality stock photography, quality stock photos, nepali articles, article writing, views, thoughts,nepali society,nepali artist, celebrities,bands,singers,actors,actresses,models profiles,interviews,thoughts,bands profiles,celebrities profiles,singers profiles,musician profiles etc. interview and profiles of nepali artist,nepali celebrities,nepali singers,nepali personalities,nepali djs', nepali bands. articles for nepalese, article about nepal, articl merokhabar Tapting Sherpa