एक्काईसौँ शताब्दीको आधुनिक विश्व तिव्रताका साथ अगाडि बढ्दै गएको छ । विज्ञान तथा प्रविधिको विकास संगसंगै आजको विश्व झन्-झन् सुविधा सम्पन्न हुदै गैरहेको छ । अहिलेको तेज रफतार समयमा मानिसहरु यसरी अगाडि बढ्नुका साथै अल्भिmएका छन् की उनीहरुलाई आफैँ वरिपरिको संसारको बारेमा केहि थाहा छैन् । त्यसमा पनि आफ्नो घरको आगो पनि अरु कोही आई निभ्याइदिए हुन्थ्यो जस्तो प्रवृतिका हामी नेपाली, आफ्नै देशको दाजुभाईहरुको दुख कहाँ देखथ्यौँ र ? विश्वकै सबैभन्दा दुर्गम क्षेत्रहरुमध्येको एक,उपल्लो डोल्पा अति नै विकट क्षेत्र हो । विकासका सबै पुर्वाधारहरुवाट वञ्चित यहाँका मानिसहरु प्राकृतिक र भौगोलिक रुपले पनि विभिन्न चुनौतिहरुको सामना गर्न बाध्ँय छन् । यहाँ मानिसहरु अझैँ पनि साधारण आवश्यकता पुरा गर्न कोही गोबर टिप्छन्, भेडा च्याँगा्र चराउँछन्, कोही ऊन बुन्छन् त बर्षर्ेनि हिउँद छल्न अन्य केही उपाय तथा विकल्प नहुदाँ बसाईसराई गर्दै कठिन जीवनशैली यापन गर्दै आईरहेका छन् । यस क्षेत्रप्रति आजसम्म पनि सरकारको ध्यानाकर्षण नहुदाँ तथा सरकारले समेत अपहेलना गरेता पनि नेपाली भएको नाताले आफ्नो कर्तव्य मानि एक युवकले यो जिम्मेवारी आफ्नै काँधमा उठाएका छन् । यसरी विकासका सबै पुर्वाधारवाट वञ्चित उपल्लो डोल्पाका कुना-काप्चाका दुर्गम गाँउहरुमा विकासका प्रमुख पुर्वाधारहरु शिक्षा र स्वास्थ्यको विकाससंगै त्यहाँको संस्कृति, सामाजिक, आर्थिक विकास र जनचेतनाका विभिन्न क्रियाकलापहरु ग्ार्दै विगत सात वर्ष सन् २००५ देखि निरन्तर प्रयासरत लागि परेका ती युवक हुन्, विनोद शाही नेवा । आफू काठमाण्डौ निवासी भएर एक्काइसौं शताब्दीका सुखबाट पर हटेर उनले आफैं हिमाली क्षेत्रमै पहिलो र एकमात्र विदेशी सहयोग बिनाको नितान्त नेपाली साथ र सहयोगमा "येक्षर प्राथमीक विद्यालय" पनि संचालन गरेका छन् ।

समय निकै बलवान छ । जीवनले कतिबेला आफूलाई कहाँ पुर्‍याउँछ कसैलाई थाहा छैन् । कतिपय हामीहरु आ-आफ्नै जीवनको यहिँ भुमरीमा अल्भिmन्छौ त कति हामी यसलाई परिवर्तन गर्न आफ्नो तर्फबाट पहल गर्छाैँ । यस्तै छ विनोद शाही नेवाको यात्रा पनि । उनले यस क्षेत्रको विद्यार्थीहरुलाई शिक्षित गर्नुका साथै यहाँका मानिसमा जनचेतना फैलाउने काम गर्दै आएका छन जुन आफ्ैँमा निकै उदाहरणीय र प्रशंसनिय छ ।

नेपाल विश्वकै तेस्रो राज्यको सुचिमा पर्दछ तर, हामी नेपालीहरुको मन निकै ठूलो र उदार छ । हाम्रो देशमा पनि विकासका सम्भावनाहरु थुप्रै छन् । प्राकृतिक, साँस्कृतिक, आर्थिक तथा सामाजिक विकासको सम्भावनाहरु प्रशस्त भएता पनि अज्ञानता र अरुचिका कारण हामी सानो भन्दा सानो समस्याको निधानको लागि पनि अरु विदेशी संस्थाहरुको मुख ताकी आफ्नै दाजुभाई तथा दिदीबहिनीहरु पिडामा हुदाँ केबल मुक दर्शक मात्र बन्छौँ । तर हामी यो कुरा किन बिर्सिन्छौँ की आज उनीहरु पिडामा छन् त भोली उनीहरुको ठाउँमा हामी हुन सक्छौँ । समय सधै एकनासको कहाँ हुन्छ र ? समस्यालाई जति टाल्दैँ गयो त्यति नै त्यसले झन् विकराल रुप लिदैँ जान्छ । त्यसैले हामीबीच रहेको यो प्रवृतिलाई हटाउँदै, एक पटक हामीले आफ्नो मनभित्रको मानवतालाई झकझकाउँनै पर्दछ । सात वर्ष अगाडि एकल युवाले गरेको प्रयासले आज त्यहाँका बालबालिकाहरुको शिक्षा, स्वास्थ्य तथा जनचेतनाप्रति पहुँच बढ्दै गएको छ भने हामी सारा नेपाली त करडौँको संख्यामा छौँ नि ? एकल युवकको प्रयासले आज यतिको परिवर्तन आउँन सक्छ भने हामी नेपाली यो प्रयासमा हातेमालो गर्दैँ अगाडि बढौँ भने भोली डोल्पाको नक्सा बदलिन कति नै समय लाग्छ र ? त्यसैले यस विद्यालय संचालन तथा पुरै डोल्पाको विकास गर्न आवश्यक श्रोत साधन कोष सहयोगको लागि नेपाल भित्रैबाट र हामी नेपालीहरुबाट मात्रै सहयोग जुटाउदै दुर्गम ग्रामिण क्षेत्रको विकासको लागि अब भने हामीले पाइला चाल्नै पर्दछ । के बालबालिका, के युवा, के गृहणी र के वृद्ध, चाहने हो भने हामी सबैले आ-आफ्नो तर्फबाट जतिसक्दो मदत गर्न सक्दछौँ र हामी फुर्सद परिवार यसको लागि सबैमाझ हार्दिक अनुरोध पनि गर्दछौँ । यदि तपाई विद्यार्थी हुनुहुन्छ त कलम, कापी, किताब दिएर मदत गर्नुहोस् , यदि तपाई युवा शिक्षित हुनुहुन्छ त त्यहाँका विद्यार्थीहरुलाई शिक्षा प्रदान गर्न छोटै समयाको लागि भएपनि अस्थायी शिक्षकको रुपमा शिक्षा बाढ्न जाऔँ । हामी सबै आ-आफ्नै ढंगले सक्षम छौँ त्यसैले हामीले आफ्नो क्षमता अनुरुप मदत गर्नैपर्छ । फुर्सदको तपाईहरु माझ यहिँ अनुरोध छ । र सबै क्षेत्र वर्ग समुहका व्यक्तिहरुलाई सहभागी र सक्रिय बनाई सबैबाट मदतको लागि आग्रह गर्दै हिडेका विनोदलाई फुर्सदको पुरा साथ, सहयोग तथा समर्थन छ ।

साचैँ नै हामी नेपाली गर्न चाहने हो भने के मात्र गर्न सक्दैनौँ र तर, हाम्रो अज्ञानता भनु या अरुचि हामी यस्ता कुराहरुमा अल्झनै चाहदैँनौ । यहाँ हामी यसरी विलासिताका साथ जीवन यापन गरिरहेका छौ तर, उपल्लो डोल्पामा हाम्रा आफ्नै दिदीबहिनी तथा दाजुभाईहरुलाई आफ्नो सानोभन्दा सानो आवश्यकता पुरा गर्न पनि निकै गाह्रो भईरहेको छ । त्यहाँका मानिसहरुलाई शिक्षा, स्वास्थ्य तथा जनचेतना जगाउँन हेतुले एकल व्यक्ति, विनोद शाही नेवाबाट चालिएको यस कदमलाई फुर्सदले पनि साथ दिदैँ अगाडि बढेको छ ।

सरकार र विदेशी दाताको मुख नताकी सात वर्ष अगाडि सुरु गरिएको यस एकल प्रयासमा आजसम्म आईपुग्दा धेरै नेपाली दाजुभाई तथा दिदीबहिनीहरुले आ-आफ्नो तवरबाट सर-सहयोग गर्नुभएको छ र गर्दै पनि आउँनुभएको छ । तर, यतिले मात्र कहाँ पुग्छ र । हामीले यसमा गर्नुपर्ने अझैं धेरै छ । हाम्रो देश नेपाल गरिब तथा हामी नेपाली जनता गरिब भएता पनि अब सधैँ विदेशी दाताको भर परेर बस्ने समय छैन् । अब समय आईसक्यो की हामीले सबै समस्याहरु आफ्नो हातमा लिएर त्यसलाई समाधान गर्नैपर्छ । फेरी हामी नेपाली त्यति गरिब तथा निरदयी पनि त छ्र्रैनौँ । त्यसैले यस लेख मार्फत हामी फुर्सद परिवार सबै आम नेपाली जनतालाई सहयोगको लागि हार्दिक अनुरोध गर्दछौँ । हामी फुर्सद परिवार सांगीतिक बजारसंग सिधा सम्बन्ध राख्ने वेभसाइट हौँ । हाम्रो पहुँच नेपाली सांगीतिक क्षेत्रसंग छ , यसैलाई मुल आधार तथा हतियार बनाउदैँ हामीले नेपाली सांगीतिक क्षेत्रमा आवद्ध सबैलाई सहयोगको अपिल गर्दै कोष संकलन गरेका छौँ । हामीले त हाम्रो तर्फबाट सक्दो पहल गर्‍यौ र गर्दै छौ । यसमा पनि हामीले गर्नुपर्ने अझै धेरै छ । र हामी यसका लागि पुर्ण रुपमा तयार पनि छौँ । त्यसैले हामी सबैलाई सहयोगको लागि आग्रह गर्दछाँै र सहयोग गर्नको लागि तपाई हामीलाई सम्पर्क गर्न सक्नुहुन्छ हाम्रो वेभसाइट,www.fursad.com सहयोग गर्नुहुने सबै सहयोगकर्ताहरुको नाम हामी हाम्राे वेभसाइटमा प्रकाशन गरिदिने जानकारी पनि यसै लेखद्वारा गर्दछौँ । याद राखौँ, तपाईको सानो प्रयासले कसैको जीवनमा ठूलो परिवर्तन आउन सक्छ र तपाईँको यहिँ सोचले गर्दा तपाई अरुको प्रेरणाको श्रोत पनि बन्न सक्नुहुन्छ । आखिरमा सेवा नै त धर्म हो , थोपा थोपा मिलेर नै त समुन्द्र बन्छ । हाम्रो सानो प्रयासले गर्दा डोल्पाका मानिसको जीवनस्थर, शिक्षा स्वास्थ्यका सुविधाहरु उनीहरुले प्राप्त गर्न सक्दछन् भने किन नगर्ने त । यहि कुरालाई आत्मसाथ गर्दै हामी यसै विज्ञप्ती मार्फत सबै देश तथा विदेशमा रहनुभएका सबै नेपालीलाई सहयोगको लागि आवहान गर्दछौँ । 

नोटः सहयोगको लागि फुर्सद डट कम को कार्यलयमा सम्र्पक रख्न सक्नु हुनेछ । फोन नं +९७७-०१-४२५३३४६